Ang tinuod nga gugma moabot sa saktong panahon. Apan kanus-a?

Supak ang akong mga ginikanan nga ako makabaton og hinigugma. Subay sa ilang ginaingon nga "dili pa karon ang saktong panahon Day aron ikaw mahigugma sa nilalang nga imong hilabihang gipangandoy. "

Pagkasakit naman gyod sa akong buot nga dili ako tugtan sa paghigugma sa tawong akong gimahal.. Apan, sa usa ka bahin sakto sila. Oo sakto sila tungod kay ilang gihunahuna ang akong kaugmaon nga kon ako mag- uyab-uyab karon, basin og unsa'y dangatan sa akong pag-eskwela unya. Sa pikas bahin, naguol ako tungod kay ako dili sama sa uban nga dunay kagawasan nga makasinati na og dunay hinigugma.

Unsa kaha'y bation kon dunay hinigugma no? Mao kini ang dako kong' pangutana karon. Basin tuod og ang tinuod nga gugma dili ang  saktong panahon maoy hulaton, apan sa saktong taw nga imong higugmaon.